日常3分鐘早餐－紫淮山蛋卷
我女兒同普通小朋友一樣，都要趕返學。要盡快煮盡快食，又要有足夠營養才是重點。每餐次序吃也非常重要「蛋白質」+「油」再吃「碳水化合物」+「蔬菜」，主要避免「糖震」；而發育中的小朋友要吃夠蛋白質才可！
介紹大家3分鐘早餐－紫淮山蛋卷
材料：
蛋一隻、少許味啉（1歲以上）
5g 紫淮山粉，少許鹽，少許油（椰子或牛油均可）
蔬菜可做side dish（夜晚準備定- 如粟米、西蘭花、紅蘿蔔、南瓜等）
方法：
搞勻所有材料，用油起鑊，煎卷蛋狀即可。
小朋友可以拴住食，唔夠飽，加半塊麵包或小飯團，即可。不過，太趕，阿女食唔切呢!
媽媽又可以有整定放雪，記得做好的蛋卷要盡快放進7℃以下的冰箱妥善冷藏，食用前只要加熱溫度超過70℃。當然，可以的話，最好早上即造即食。
以上資料由中醫爸B – 馬琦傑醫師提供
中醫爸B – 馬琦傑醫師授權轉載
